வாரியார் சுவாமிகள் ஒரு சமயம் கோலாலம்பூர் போயிருந்தபோது ஸ்காட்ரோடு கந்தசாமி கோயிலுக்குச் சென்று தரிசித்தார் கோவிலுக்குப் பின் புறம் ஒரு நந்தவனம். அதில் ஒரு சிறு தண் ணீர் தடாகம். அதில் தாமரைப் பூவில் முருகப்பெருமான் எழுந்தருளியிருப்பது போன்ற சுதைத் திருவுருவம் அமைந்திருந்தது. இதனைக் கண்ட சுவாமிகளுக்கு இதுபோல் காங்கேயநல்லூரில் அமைக்க வேண்டும் என்ற என் நணம் உண்டாகியது. காங்கேயநல்லூர் கோவிலுக்கு முன் யாவும் வீடுகளாகவே இருந்தன. அந்த வீட்டுக்கு உடையவர்களை அணுகி அவைகளை விலைக்குத் தருமாறு கேட்டார். அவரவர் கள் சரவணப் பொய்கைத் திருப்பணிக்குத்தானே கேட்கின்றார் என்ற என் கணம் இன்றி, இருமடங்கு, மும்மடங்கு விலை கூறினார்கள் சுவாமிகள் எப்படியும் அப்பணி செய்ய வேண்டும் என்ற ஆர்வத்தால் அவர்கள் கேட்ட விலையைக் கொடுத்து அத்தனை வீடுகளையும் விலைக்கு வாங்கி, இடித்து ஒரு சதுரமாக ஒழுங்கு செய்தார் உயர்ந்த சிற்பியைக் கொண்டு செயற்கையாகச் சரவணப் பொய்கையும் அதன் இடையில் தாமரைப்பூவில் சண்முகப் பெருமான் எழுந்தருளியிருக்கும் சுதைச் சிலையும், அதைச் சுற்றி ஆறு கார்த்திகைப் பெண்கள் சண்முகப் பெருமானைக் கையேந்தி அழைப்பது போன்ற சுதைச் சிலைகளும் தங்கரதம் போன்ற ஒரு சிகரமும் அமையச் செய்தார்.